ՏԵՂԵԿԱՏՎԱԿԱՆ ՀԱՐԹԱԿ

Նորություններ

19 հունիս 2023 Բնապահպանական սուբվենցիաների տրամադրման միջոցով կխթանվեն շրջակա միջավայրի բարելավմանն ու պահպանությանն ուղղված ծրագրերի մշակումն ու իրականացումը Շրջակա միջավայրի նախարարությունն Իրավական ակտերի և նախագծերի հրապարակման միասնական կայքում՝ e-draft.am հարթակում, շրջանառել է նախագիծ, որով առաջարկվում է Հայաստանի Հանրապետության կառավարության 2006 թվականի նոյեմբերի 16-ի «Հայաստանի Հանրապետության պետական բյուջեից համայնքներին սուբվենցիաների տրամադրման կարգը հաստատելու մասին» N 1708-Ն որոշման մեջ կատարել լրացումներ, ինչի արդյունքում, համայնքներին բնապահպանական սուբվենցիաների տրամադրման միջոցով կխթանվեն շրջակա միջավայրի բարելավմանն ու պահպանությանն ուղղված ծրագրերի մշակումն ու իրականացումը, կապահովվի դրանցում պետության գործուն մասնակցությունը։
17 հունիս 2023 Հունիսի 17-ը Անապատացման և երաշտի դեմ պայքարի համաշխարհային օրն է Այս տարի Անապատացման և երաշտի դեմ պայքարի համաշխարհային օրը նշվում է «Կանայք և հողերը, նրանց իրավունքները» կարգախոսի ներքո։
16 հունիս 2023 ՄՐՑՈՒՅԹԻ ԾԱՆՈՒՑՈՒՄ․ «Զանգեզուր» կենսոլորտային համալիր» ՊՈԱԿ-ի Կապան քաղաքում գտնվող վարչական շենքի հիմնանորոգման շինարարական աշխատանքների գնում Պահպանվող տարածքների աջակցության ծրագրի (ՊՏԱԾ-Հ) շրջանակներում սահմանվել են երեք տեղական կազմակերպությունների և գործակալությունների՝ Զանգեզուրի կենսոլորտային համալիր (ԶԿՀ) ՊՈԱԿ-ի, Հայանտառ ազգային անտառտնտեսության Կապանի մասնաճյուղի և Ջրային ռեսուրսների կառավարման գործակալության Հարավային տարածքային ավազանային կառավարման բաժնի գրասենյակային տարածքի անհրաժեշտ կարիքները:
16 հունիս 2023 ՇՄՆ «Հիդրոօդերևութաբանության և մոնիթորինգի կենտրոն» պետական ոչ առևտրային կազմակերպության կանոնադրության մեջ կատարվել են մի շարք կարևոր փոփոխություններ Շրջակա միջավայրի նախարարի 02.06.2023 թվականի 191-Լ հրամանով ՇՄՆ «Հիդրոօդերևութաբանության և մոնիթորինգի կենտրոն» պետական ոչ առևտրային կազմակերպության կանոնադրության մեջ կատարվել են մի շարք կարևոր փոփոխություններ, ի թիվս դրանց, փոփոխվել է նաև ՊՈԱԿ-ի կրճատ անվանումը։
16 հունիս 2023 ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ը հայտնում է 2022 թվականի ընթացքում Երևան քաղաքի մթնոլորտային օդում փոշու և ազոտի երկօքսիդի միջին օրական կոնցենտրացիաները գերազանցել են ՍԹԿ-ները համապատասխանաբար 1.1-3.7 և 1.1-1.5 անգամ: Ծծմբի երկօքսիդի միջին օրական կոնցենտրացիան չի գերազանցել համապատասխան ՍԹԿ-ն: