ՀԱՅՏԱՐԱՐՈՒԹՅՈՒՆ
Սևան ազգային պարկի հանրային №4,  №6 և  №7 լողափերը բարեկարգման, կահավորման և սպասարկման  տրամադրելու 
Շրջակա միջավայրի նախարարության Սևան ազգային պարկ ՊՈԱԿ-ը, որը գտնվում է ՀՀ, Գեղարքունիքի մարզ, ք.Սևան, Կարմիր բանակի 56 հասցեում, հայտարարում է Սևան ազգային պարկի հանրային լողափերի բարեկարգում, կահավորում և սպասարկում իրականացնելու նպատակով մրցույթ.

ԼՈՏ 1-  ՀԱՆՐԱՅԻՆ ԼՈՂԱՓ №4

Լողափի նկարագիրը՝ Լողափը գտնվում է Շողակաթ համայնքի, Դրախտիկ բնակավայրի վարչական սահմաններում ընկած ափամերձ հատվածում: Լողափի հարևանությամբ գտնվող աջակողմյան և ձախակողմյան տարածքներն օգտագործվում են այլ վարձակալների կողմից: Լողափի հարևանությամբ առկա են էլեկտրականության  և գազի գծեր: Հողամասի նկատմամբ գրանցված սահմանափակումներ չկան: 
Նպատակային նշանակությունը-Բնության հատուկ պահպանվող տարածքների հող:
Լողափի մակերեսը- 5 հա:
Տարեկան վճարի մեկնարկային գինը-  600 000 /հարյուր քսան հազար/ ՀՀ դրամ:
Նախավճարի չափը-30 000 /երեսուն հազար/ ՀՀ դրամ:
        Լողափի բարեկարգման, կահավորման և սպասարկման իրավունքի ժամկետը՝ 7 /յոթ/ տարի, պայմանագրի կնքման օրվանից 2 տարի հաղթողը ազատվում է վճարը վճարելու պարտավորությունից:

ԼՈՏ 3- ՀԱՆՐԱՅԻՆ ԼՈՂԱՓ №6

Լողափի նկարագիրը. Լողափը գտնվում է Գավառ համայնքի, Ծովազարդ բնակավայրի վարչական սահմաններում, Սևան-Գավառ-Մարտունի ավտոմայրուղուց դեպի լիճ ընկած ափամերձ հատվածում: Լողափի հարևանությամբ՝ դեպի Նորատուս բնակավայրի ուղղությամբ առկա է գործող շենքերով և շինություններով  կառուցապատված տարածք: Լողափի հարևանությամբ առկա է  էլեկտրականության գիծ: Հողամասի նկատմամբ գրանցված սահմանափակումներ չկան:
Նպատակային նշանակությունը- Բնության հատուկ պահպանվող տարածքների հող:
Լողափի մակերեսը- 3.3 հա:
Տարեկան վճարի մեկնարկային գինը-396 000  /երեք հարյուր իննսունվեց հազար/ ՀՀ դրամ:
Նախավճարի չափը-19 800 /տասնինն հազար ութ հարյուր/ ՀՀ դրամ:
        Լողափի բարեկարգման, կահավորման և սպասարկման իրավունքի ժամկետը՝ 7 /յոթ/ տարի, պայմանագրի կնքման օրվանից 2 տարի հաղթողը ազատվում է վճարը վճարելու պարտավորությունից:

ԼՈՏ 4- ՀԱՆՐԱՅԻՆ ԼՈՂԱՓ №7

Լողափի նկարագիրը. Լողափը գտնվում է Գավառ համայնքի, Նորատուս բնակավայրի հարակից Սևան-Գավառ-Մարտունի ավտոմայրուղուց մինչև լիճ ընկած ափամերձ հատվածում: Լողափի հարևանությամբ՝ դեպի Մարտունի ուղղությամբ առկա է փայտե տնակներով կառուցապատված տարածք: Հակառակ ուղղությամբ առկա է չօգտագործվող տարածք: Լողափի հարևանությամբ առկա է էլեկտրականության գիծ: Հողամասի նկատմամբ գրանցված սահմանափակումներ չկան:
Նպատակային նշանակությունը- Բնության հատուկ պահպանվող տարածքների հող:
Լողափի մակերեսը-  0.78  հա:
Տարեկան վճարի մեկնարկային գինը- 93 600  /իննսուներեք հազար վեց հարյուր/ ՀՀ դրամ:
Նախավճարի չափը-4 680  /չորս հազար վեց հարյուր ութսուն/ ՀՀ դրամ:
        Լողափի բարեկարգման, կահավորման և սպասարկման իրավունքի ժամկետը՝ 7 /յոթ/ տարի, պայմանագրի կնքման օրվանից 2 տարի հաղթողը ազատվում է վճարը վճարելու պարտավորությունից:
    
    Մրցույթի մասնակիցները մրցույթին մասնակցելու համար պետք է մրցույթի անցկացման օրը ՊՈԱԿ-ի 900018002890 հաշվեհամարին մուծեն  նախավճար:
    Մասնակցության հայտերն անհրաժեշտ է ներկայացնել ՀՀ, Գեղարքունիքի մարզ, ք. Սևան, Կարմիր Բանակի 56  հասցեով (հեռ. 0261 2 40 44)՝ մինչև 12.07.2022թ-ը  ժամը 12:00-ն: 
    Յուրաքանչյուր մասնակից յուրաքանչյուր չափաբաժնի համար կարող է ներկայացնել միայն մեկ հայտ: 
    Մրցույթին մասնակցելու համար անհրաժեշտ է  ներկայացնել 
1. հայտ (համաձայն ձև 3-ի),
2. անձնագրի կամ պետական գրանցման վկայականի պատճենը
3. մրցույթային փաթեթը (ներդրումային ծրագիր-նախագիծ)՝ փակ ծրարով։
Մասնակիցները մրցույթային փաթեթները պետք է ներկայացնեն սոսնձված և ստորագրված փակ ծրարով:
    Ծրարի վրա նշելով հետևյալ գրառումները.
1) հրապարակային ծանուցման մեջ նշված հայտի ներկայացման վայրը (հասցեն),
2) «չբացել մինչև  մրցույթի անցկացման օրը» բառերը:

    Մրցույթի գնահատման և հաղթողին որոշելու չափորոշիչներն են՝
1)    ներկայացված մրցութային փաթեթների համապատասխանությունը սույն կարգով սահմանված պահանջներին և պայմաններին,
2)    առաջարկվող բարձր վճարի չափը,
3)    օբյեկտի կարճ ժամանակում շահագործման հնարավորությունը (իրատեսական ժամկետը),
4)    ներդրումների չափը (ֆինանսական երաշխիքների առկայությունը),
5)    նախատեսվող գործունեության կայունությունը (շարունակականությունը),
6)    սոցիալ-տնտեսական բաղադրիչ (ստեղծվող աշխատատեղերի թիվը. ազդեցությունը տարածքի սոցիալ-տնտեսական զարգացման վրա),
7)    ռիսկերի գնահատումը և դրանց հաղթահարմանն ուղղված միջոցառումների առկայությունը։
Շրջակա միջավայրի պահպանությանն ուղղված նվազագույն անհրաժեշտ միջոցառումները սահմանված են Կարգի  VI բաժնում:
Մրցույթը տեղի կունենա 15.07.2022թ-ին, ժամը 12:00-ին, ՀՀ, Գեղարքունիքի մարզ, ք. Սևան, Կարմիր բանակի 56 հասցեում:
Սույն հայտարարության հետ կապված լրացուցիչ տեղեկություններ ստանալու համար կարող եք զանգահարել 0261 2 40 44 հեռախոսահամարով:
•    Հայտերի ներկայացման, դրանց գնահատման և հանձնաժողովի գործունեության կարգին կարող եք ծանոթանալ ՀՀ, Գեղարքունիքի մարզ, ք. Սևան, Կարմիր բանակի 56 հասցեում կամ դիմել sevanap@inbox.ru էլեկտրոնային փոստի հասցեով Կարգի պատճենը ստանալու համար:

Հայտարարություն

Դիմում