Երևանում կայացավ տարածաշրջանային աշխատաժողով, որը միավորեց Արևելյան գործընկերության երկրների անտառային ոլորտի հիմնական շահագրգիռ կողմերին։
Աշխատաժողովի նպատակն էր խթանել Արևելյան գործընկերության երկրների համագործակցությունը և աջակցել դրանց ջանքերին՝ ուղղված անօրինական փայտահատումների կանխարգելմանը, անտառների կառավարման համակարգերի բարելավմանը, ինչպես նաև կայուն անտառտնտեսության զարգացմանը՝ համաձայն Եվրամիության անտառազրկումների կանոնակարգի (EUDR) պահանջների։
Միջոցառումը ծառայեց որպես երկխոսության և փորձի փոխանակման հարթակ՝ ԱԳ երկրների, ԵՄ հաստատությունների, միջազգային կազմակերպությունների և մասնավոր հատվածի ներկայացուցիչների միջև՝ քննարկելու քաղաքական, իրավական և տեխնիկական մոտեցումներ՝ ուղղված անտառների կառավարման համակարգերի կատարելագործմանը և միջազգային պահանջներին համապատասխանեցմանը։
Աշխատաժողովին մասնակցեցին Արևելյան գործընկերության երկրների համապատասխան նախարարությունների, անտառային գործակալությունների, ակադեմիական հաստատությունների, հասարակական կազմակերպությունների, ինչպես նաև Եվրամիության և միջազգային գործընկեր կազմակերպությունների ներկայացուցիչներ։