Հարգելի գործընկերներ, սիրելի ուսանողներ,
ԵՊՀ իրավագիտության ֆակուլտետի Աիդա Իսկոյանի անվան   Էկոլոգիական իրավունքի գիտաուսումնական կենտրոնը   Շրջակա միջավայրի նախարարության հետ համատեղ նախաձեռնել են  «Շրջակա միջավայրի պահպանության իրավական հիմնախնդիրները միջազգային և ներպետական համատեքստում» խորագրով միջբուհական  երիտասարդական գիտաժողով: 
Գիտաժողովի նպատակն է ստեղծել դինամիկ հարթակ ուսանողների և ոլորտի մասնագետների միջև ակտիվ քննարկումների ծավալման և Հայաստանում բնապահպանական հիմնահարցերով զբաղվող հետազոտողների ցանցի ընդլայնման համար: 
Գիտաժողովն անցկացվելու է սույն թվականի դեկտեմբերի 6-ին: 
ՀՀ ԲՈՒՀ-երի բակալավրատի ու մագիստրատուրայի հետաքրքրված բոլոր ուսանողները պետք է մինչև սույն թվականի նոյեմբերի 25-ն իրենց վերլուծությունները (ցանկալի է մինչև 12 էջ) ուղարկեն elrc@ysu.am էլեկտրոնային հասցեին: 
Գիտաժողովի հանձնախմբի կողմից լավագույն ճանաչված տաս զեկույցներն իրենց հեղինակների կողմից կներկայացվեն գիտաժողովին:
Գիտաժողովը նվիրվում է Էկոլոգիական իրավունքի վաստակաշատ պրոֆեսոր Աիդա Բագրատի Իսկոյանի հիշատակին: