Շրջակա միջավայրի նախարարությունում կայացել է Շվեդիայի Թագավորության Լունդի համալսարանի կողմից կազմակերպվող «Rights-Based Climate Adaptation in Armenia and Georgia» դասընթացի շրջանակում իրականացվող աշխատաժողովը;
Նախարարության համապատասխան ստորաբաժանումների պատասխանատուների հրավերով հանդիպմանը մասնակցել են Շվեդիայի Թագավորության Լունդի համալսարանի Հայաստան առաքելության թիմի ներկայացուցիչները։
Հանդիպման ընթացքում քննարկվել են տեղական, տարածաշրջանային և ազգային բնապահպանական քաղաքականության արդյունավետ իրագործման, հասարակության մասնակցության մեխանիզմները, ինչպես նաև թափոնների կառավարման, օդի աղտոտվածության նվազեցման նորարարական մեթոդների իրականացման հարցերը։ Փորձի փոխանակման նպատակով հանդիպումն ավարտվել է հարց ու պատասխանով։
Լունդի համալսարանի ներկայացուցիչներն աշխատաժողովի շրջանակում այցելել են նաև շրջակա միջավայրի նախարարության «Արգելոցապարկային համալիր» ՊՈԱԿ։ Քննարկվել են «Ջրվեժ» անտառպարկի բնապահպանական խնդիրները և ուրվագծվել՝ էկոտուրիզմի զարգացման ուղիները։ Հանդիպումն ավարտվել է անտառապարկում շրջայցով։