Այսպիսով՝ անցնող շաբաթվա ընթացքում, շրջակա միջավայրի պահպանությանն ուղղված ամենօրյա աշխատանքին զուգահեռ՝
«Սևան» ազգային պարկում
ՊՈԱԿ-ի հատուկ նշանակության ջոկատի, Ոստիկանության, Բնապահպանության և ընդերքի տեսչական մարմնի ներկայացուցիչների կողմից իրականացվել են ձկների ձվադրման ժամանակահատվածում որսի արգելքի կարևորության վերաբերյալ բացատրական աշխատանքներ, կազմակերպվել և իրականացվել են լողամիջոցների, որսագործիքների և ժամանակավոր կացարանների դուրս բերման աշխատանքներ:
❗️ Հիշեցում. Սևանա լճում սիգի ձվադրման ժամանակահատվածում իրականացվող համատեղ միջոցառումները մեկնարկել են 2022 թվականի դեկտեմբերի 1-ին, կտևեն մինչև 2023 թվականի հունվարի 20-ը ներառյալ:
Դեկտեմբերի 15-ից հունվարի 20-ը խիստ արգելք է կիրառվում:
«Զանգեզուր» կենսոլորտային համալիրում
Տեղի է ունեցել «Հյուսիս- հարավ ճանապարհի՝ Սիսիան- Քաջարան հատվածի կառուցման ծրագրի» վերաբերյալ հանդիպում՝ մասնակցությամբ ՊՈԱԿ-ի տնօրենի, աշխատակիցների, ՏԿԵՆ «Ճանապարհային դեպարտամենտ» հիմնադրամի, Ասիական զարգացման բանկի, Եվրոպական զարգացման և ներդրումային բանկի ներկայացուցիչների, միջազգային փորձագետների։ Քննարկվել են «Զանգեզուր» արգելավայրի վրա նախատեսվող ճանապարհաշինական աշխատանքների հնարավոր ազդեցությունները։
Գիտության և զբոսաշրջության բաժնի ներկայացուցիչներն #էկոկրթական հանդիպում են ունեցել Կապանի արվեստի պետական քոլեջի սաների հետ` ՊՈԱԿ-ի և քոլեջի տնօրեններ Ա. Մկրտչյանի և Ա. Խաչատրյանի մասնակցությամբ։ Դասընթացի ընթացքում ներկայացվել են Հայաստանի բնության հատուկ պահպանվող տարածքները, համալիրի ենթակայության տակ գտնվող ԲՀՊՏ-ները, հարուստ կենսաբազմազանությունը, մարզի ավանդազրույցները։ Ներկայացվել են սյունեցի գեղանկարիչների՝ «Խուստուփ», «Սոսու պուրակ» և «Զանգեզուր» արգելավայրերը պատկերող աշխատանքները։
Համալիրի կողմից կանաչապատման աշխատանքներ են իրականացվել Կապանի արվեստի պետական քոլեջի հարակից տարածքում։
Անտառային կոմիտեում
«Հայանտառ» ՊՈԱԿ-ի «Հրազդանի անտառտնտեսություն» մասնաճյուղի Արզականի անտառպետությունում, փայտանյութի ներքին պահեստի ստեղծման շրջանակում, տեղադրվել է տնակ, որը նաև խթան կհանդիսանա անտառպահպանության աշխատանքների համար:
"Խոսրովի անտառ" պետական արգելոցում
Էկոկրթական ծրագրերի շրջանակներում թանգարան էին այցելել սահմանամերձ Երասխ գյուղի միջնակարգ դպրոցի կրտսեր դասարանների աշակերտները:
Հայաստանի բնության պետական թանգարանում
Լեռների միջազգային օրվան նվիրված միջոցառում էր կազմակերպվել։ Գազպրոմ Արմենիա ուսումնա-սպորտային համալիրի աշակերտները ներկայացրել են Արագած լեռան՝ իրենց ձեռագործ մանրակերտը, որն արտահայտում էր Հայաստանի լանդշաֆտային գոտիները: Մասնակիցները ամրապնդել են գիտելիքները լեռների, դրանց նշանակության, հատկապես Հայկական լեռնաշխարհի և Հայաստանի լեռների վերաբերյալ: