Ամեն տարի հուլիսի 31-ն ամբողջ աշխարհում նշվում է  որպես Ռեյնջերների օր (World Ranger Day): Օրը նշվում է սկսած 2007 թվականից, այն հռչակվել է Միջազգային ռեյնջերների ֆեդերացիայի (IRF) կողմից՝ նշելու անտառապահների  ներդրումը բնության պահպանման գործում։
Հայաստանում անտառների և բնության հատուկ պահպանվող տարածքների պահպանությունն ու պաշտպանությունը օրենքով վերապահված է Շրջակա միջավայրի նախարարության էկոպարեկային ծառայությանը։
Էկոպարեկային ծառայությունը՝

• ապահովում է  պետական անտառների, անտառային հողերի և բնության հատուկ պահպանվող տարածքների պահպանությունը 24/7 ռեժիմով,
• ապահովում է պետական անտառների, անտառային հողերի և բնության հատուկ պահպանվող տարածքների պահպանության կանոնների պահպանումը,
• իրականացնում է անտառներում և բնության հատուկ պահպանվող տարածքներում հրդեհային անվտանգության նկատմամբ հսկողությունը,
• ապահովում կամ կանխարգելում է Հայաստանի Հանրապետությունում բնության հատուկ պահպանվող տարածքների էկոհամակարգերի և դրանց բաղադրիչների պահպանության, բնականոն զարգացման վրա մարդածին բացասական ազդեցությունը և այլն։