Բնապահպանության նախարարի մոտ տեղի է ունեցել 2018թ. հուլիս ամսին գրանցված քաղաքացիների ընդունելություն: Ընդունելությանը մասնակցել է 11 քաղաքացի։ Հանդիպմանը ներկայացած մասնագետներն իրենց գիտելիքները և աշխատանքային փորձն են առաջարկել անտառային ոլորտի բարեփոխումներում, հանդես եկել նաև մայրաքաղաքի հարակից տարածքների կանաչապատման ծրագրերով: Նախարար Էրիկ Գրիգորյանը, շնորհակալություն հայտնելով առաջարկների համար, հայտնել է, որ դրանք կուսումնասիրվեն և արդյունքների մասին կտեղեկացնեն քաղաքացիներին: Մի քանի քաղաքացիներ դիմել են Բնապահպանության նախարարությունում աշխատանքի անցնելու խնդրանքով: Վերջիններիս պարզաբանվել է, որ նախարարության աշխատակազմում աշխատանքի կարելի է ընդունվել հանրային ծառայությունը կարգավորող օրենսդրությամբ սահմանված ընթացակարգով՝ մասնակցելով թափուր պաշտոնները համալրելու նպատակով հայտարարվող մրցույթներին, իսկ ոչ քաղաքացիական ծառայության պաշտոն զբաղեցնել ցանկացող քաղաքացիներին առաջարկվել է ներկայացնել մասնագիտական աշխատանքի վերաբերյալ հայտարարություններ՝ նախարարությունում ձևավորված փորձագետների բազայում ներառելու համար:
