Շարունակվում են էկոկրթական միջոցառումները Հայաստանի բնության պետական թանգարանում: Դեկտեմբերի 19-23-ն ընկած ժամանակահատվածում թանգարանում կազմակերպվել է «Կենդանին մարդու բարեկամն է» խորագրով միջոցառումը, որին մասնակցել են Աղասի Խանջյանի անվան թիվ 53 հիմնական դպրոցի աշակերտները: Միջոցառման ժամանակ երեխաները դիտել են Հրաչյա Ղազարյանի հեղինակած «Սանիտարների խնջույքը» և «Սարերի տիրակալ» ֆիլմերը, որից հետո աշակերտների մասնակցությամբ իրականացվել է քննարկում: Կազմակերպվել է նաև ցուցահանդես «Ծաղկարվեստ» խորագրով, որին մասնակցել են Արագածոտնի մարզի Կարբի համայնքի Վահան Թեքեյանի անվան դպրոցի աշակերտները:Ցուցահանդեսի ժամանակ ներկայացվել է լուսանկարիչ Անահիտ Խաչատրյանի անհատական ցուցահանդեսը։ Հեղինակը փորձել է լուսանկարների միջոցով ցուցադրել բնության անձեռակերտ ծաղկաբույլն ըստ տարվա եղանակների։