«Ֆեյսբուք» սոցիալական կայքում բացված «Մայրի» խմբի անդամների նախաձեռնությամբ և ՀՀ բնապահպանության նախարարության աջակցությամբ ՀՀ Տավուշի մարզի Կողբ գյուղում անցկացվել է հիմալայան մայրիների տունկ: Կողբի արվեստի դպրոցի և տեղի միջնակարգ դպրոցի տարածքներում` «Մայրի» ֆեյսբուքյան խմբի անդամների, դպրոցականների, ուսուցիչների, արվեստի դպրոցի սաների, ‹‹Զիկատար» բնապահպանական կենտրոն» ՊՈԱԿ-ի աշխատակիցների ուժերով տնկվել է մոտ 120 հիմալայան մայրի: Ծառատունկին մասնակցել է նաև ՀՀ բնապահպանության նախարարի տեղակալ Խաչիկ Հակոբյանը: Տնկիները տրամադրվել էր ՀՀ բնապահպանության նախարարության ‹‹Զիկատար» բնապահպանական կենտրոն» ՊՈԱԿ-ի տնկարաններից: Ծառատունկից հետո նախաձեռնող խմբի անդամները դպրոցի աշակերտների հետ ազգային պարերի դասընթաց են անցկացրել: Ծառատունկի մասնակիցները նաև դիտել են Կողբի արվեստի դպրոցում կազմակերպված ՀՀ ժողովրդական նկարիչ Հենրիկ Մամյանի նկարների ցուցահանդեսը: