Նոյեմբերի 14-ին ՀՀ բնապահպանության նախարարության աշխատակիցները` նախարար Արամայիս Գրիգորյանի գլխավորությամբ մասնակցել են Երևանի Նոր Նորք վարչական շրջանում գտնվող Թաթուլ Կրպեյանի անվան զբոսայգում կազմակերպված համաքաղաքային շաբաթօրյակին և ծառատունկին: Ծառատունկից հետո կատարվել են տնկիների նախնական խնամքի աշխատանքներ: Ընդհանուր առմամբ, աշնանային ծառատունկի ընթացքում Երևանի տարբեր կանաչապատ տարածքներում նախատեսված է տնկել ավելի քան 20 հազար ծառ և թուփ: