Ամանորյա տոների նախօրեին Գերմանիայի Բնության Պահպանության Միության հայաստանյան մասնաճյուղի աշխատակիցները իրականացրել են արտագնա աշխատանքային նիստ ՀՀ Կապան քաղաքում` որսագողության դեմ պայքարի թեմայով: Հանդիպմանը մասնակցում էին ՀՀ բնապահպանության ոլորտի պատասխանատու պաշտոնատար անձինք: Նիստի արդյունքում որոշվեց կենդանիների անօրինական որսի կանխարգելման նպատակով ՀՀ Սյունիքի մարզում բեզոարյան այծերի և մուֆլոնի ապրելավայրերում բարձրացնել ստուգիչ այցերի քանակը`ներգրավելով տեղի բնակչության և ոստիկանության ներուժը: Որսագողությունը դարձել է կենդանիների բազմաթիվ տեսակների`այդ թվում բեզոարյան այծերի և մուֆլոնների նվազման պատճառ: 2011 թվականից Գերմանիայի Բնության Պահպանության Միության հայաստանյան մասնաճյուղը հիմնել է որսագողության դեմ պայքարի գործառնական/օպերատիվ աշխատանքային խումբ, որում ընդգրկված են ՀՀ ԲՆ բնապահպանական պետական տեսչության Սյունիքի տարածքային բաժնի աշխատակիցները: Խմբի անդամներն իրականացնում են շուրջօրյա աշխատանքներ` ուղղված ապօրինի որսի կանխարգելման և չարտոնագրված որսորդական զենքի բռնագրավման: Գերմանիայի Բնության Պահպանության Միության հայաստանյան մասնաճյուղի աշխատակիցները 2013թ. դեկտեմբերին, տեղի բնակչության բնապահպանական իրազեկության և հետաքրքրության բարձրացման նպատակով p>Կապան քաղաքի, Լիճք և Գեղի գյուղերի դպրոցներում ճանաչողական դասընթացներ են անցկացրել: Ամփոփելով մրցույթի արդյունքները` հաղթողներին հանձնվել են նվերներ հետևյալ անվանակարգերում` - մանկական նկարներ և ձեռքի աշխատանքներ, - դպրոցական շարադրություններ և սեղմագրեր:
