«Բնապահպանությունը կերպարվեստի լեզվով» խորագրի ներքո ՀՊՄՀ Գեղարվեստական կրթության ֆակուլտետի ուսանողներն այցելել են «Խոսրովի անտառ» պետական արգելոց և կտավին հանձնել հատուկ պահպանվող տարածքի հարուստ բնաշխարհի աշնանային գույները: Երիտասարադ նկարիչներն իրենց գործերը ներկայացնելու են տարբեր ցուցահանդեսներում` նպաստելով էկոդաստիարակությանը և հասարակության մոտ բնապահպանական մշակույթի ձևավորմանը: Միջոցառումը կազմակերպվել էր ՀՀ բնապահպանության նախարարության և Հայաստանի նկարիչների միության միջև ստորագրված փոխըմբռնման և համագործակցության հուշագրով նախատեսված գործողությունների շրջանակում: