Շրջակա միջավայրի նախարարի տեղակալ Գայանե Գաբրիելյանը «Շրջակա միջավայրի վրա ազդեցության գնահատման ու փորձաքննության մասին» ՀՀ օրենքում փոփոխություններ կատարելու մասին» ՀՀ օրենքի նախագիծը քննարկելու նպատակով այսօր ընդունել է Արևելյան գործընկերության քաղհասարակության ֆորումի Հայաստանի ազգային պլատֆորմի երրորդ խմբի ներկայացուցիչներին և թեմայի շուրջ շահագրգիռ անձանց։
Քննարկմանը մասնակցել են շրջակա միջավայրի նախարարության Շրջակա միջավայրի վրա ազդեցության փորձաքննական կենտրոն ՊՈԱԿ-ի տնօրենի պաշտոնակատարը, ներկայացուցիչներ շրջակա միջավայրի և ՀՀ տարածքային կառավարման և ենթակառուցվածքների նախարարության մասնագիտական ստորաբաժանումներից։
Քննարկվել են օրենքի փոփոխված նախագծի տարբեր դրույթներ։
Հասարակական սեկտորի ներկայացուցիչները ներկայացրել են իրենց դիտարկումներն ու մտահոգությունները։
Պայմանավորվածություն է ձեռք բերվել մեկնարկել հանդիպումների շարք, որոնց ընթացքում առավել մանրամասն կքննարկվեն հնչեցված բոլոր մասնագիտական առաջարկները։
Առաջիկա հանդիպման մասին հանրությունը կծանուցվի օրենքով սահմանված կարգով։